Bir kuni kompyuterga avtomobil g'ildiraklarini sozlovchi qurilma o'rnatish muammosi uchrab qoldi. Qo'llanmada ko'rsatilgan barcha tekshirishlarni qilib ko'rishdi, lekin natija bo'lmadi. Qurilma ishlamasdi. Menga murojaat qilishdi. Urinib ko'rishga va'da berdim.
Har doimgidek qo'llanma bo'yicha ishlay boshladim. Har doim yangi qiymatdan so'ng kompyuterni ochirib yoqish ko'p vaqt talab qilardi. Ihtiyorimda esa atigi 2 soat bor.

Ustaxona egasi menga nima yoramkerak deb so'radi.
Bir choynak achchiq choy va dam olish xonasini bo'shatib qo'yishlarini so'radim.
Keyingi 100 minut ular men nima bilan shug'illanayotganimni bilish maqsadida tez tez choy tugab qolmaganidan habar olib turishdi.
Ohir oqibat muammoni hal qildik: Ovoz adapteri 5-IRQ adresini egallagani uchun sozlovchi qurilma avtomatik 10-IRQni egallagan. Maxsus dastur esa 5-IRQ bilan ishlashga mo'ljallangan. Bu haqda qo'llanmada hech narsa yozilmagan. Faqat adapterda bu haqda belgi bor holos. Men uchun mantiqiy yechim qilishga imkon bergan narsa, qo'llanmaning suratlarida 5-IRQ ko'rinib turardi. Men uchun yechimningbir yo'li kompyuterning ichini ochish va adapterni ko'rish edi. Lekin, tavakkal qilishga qaror qildim: Adapterni 5-IRQ, ovoz qurilmasini esa 11-IRQga o'tkazdim. Muammo hal bo'ldi. Ustaxonadagilarning quvonchi ichiga sig'masdi.

Malum bir vaqtdan keyin qurilmani sozlash uchun yana chaqirishdi. Hech qanday sozlash ishlari yordam bermaganini aytishdi. Qurilma xatto soz avtomobil g'ildiraklarini ham ma'lum bir burchakka og'gan deb ko'rsatardi.
Savollar berishni boshladim.
"Qurilma kuchlanishi tekshirildimi?" - "Ha, hammasi joyida"
"Qurilma sozlandimi?" - "Ha, hammasi joyida"
"Dastur ta'minoti qayta o'rnatildimi?" - "Ha, hammasi joyida"
"Barcha avtomobillarda og'ish burchagi bir hilmi?" - "Har qalay bir biriga yaqin"
Birinchi hayolimga kelgan javob: Qurilmaning optik sensorlari buzilgan yoki o'rnidan siljigan. Sabablar ko'p. Hayolimda yarq etgan fikrni tezda tekshirib ko'rdim. Ular sozlash asboblarini kelturgunga qadar dastro'molim bilan sensor oynalarini changdan va moy do'glaridan tozaladim. Bu haqda indamadim. Faqat yana bir bor tekshirib ko'rishni so'radim.
Qachondir maktabda o'qiganim esimda, nur yo'lidagi shaffoflik (oyna, suv, buyum, xatto chang ham) yorig'lik nurini sindiradi yoki kuchsizlantiradi.
Ustaning hayrati cheksiz edi. U mendan qanday tuzatganimni so'rashdan charchamasdi. Hech kimga aytmaslik sharti bilan sirni aytdim, xizmat haqqi evaziga esa yangi dastro'mal so'radim. Mana sizga tozalikning garovi...

Bunday voqealar ko'plab sodir bo'ladi. Mantiq esa hamisha eng yaxshi vosita. Fikrimga qo'shilasizmi?