Bu mavzuni ochishimga sabab, o'zimiz bilgan, tanigan, ardoqlagan, hullas ghar qanday Adabiyot va san'atga aloqador shaxslar haqida ma'lumotlarni to'plab, ularni boyitib boramiz. Robindranat Thokur (Tagor) haqidagi ma'lumotni esa Kumush taqdim qildi:
ROBINDRANAT THOKUR (TAGOR) haqida.
Hindistonning buyuk yozuvchisi, adib, mutafakkir, shoir, kompozitor, pedagog va Nobel mukofoti sovrindori R. Thokur 1861 yil 7 mayda Kalkutta shahrida badavlat, o‘qimishli oilada tug‘ilgan. Thokurlar xonadonida hur fikrli ijodkorlar tez-tez to‘planib turar edilar. Shu sababli Robindranatda ijodga havas erta uyg‘ondi. Ingliz tilini puxta o‘rganib olgan adib 1878 yilda Angliyaga o‘qishga keldi va bir yarim yildan so‘ng advokat bo‘lishdan voz kechib, vataniga qaytadi va ijod bilan shug‘ullanadi. 1901 yilda o‘z mablag‘i hisobidan «Shintiniketon» («Tinchlik o‘chog‘i») deb nom olgan maktab ochadi, 1921 yilda esa shu yerda universitet tashkil etadi.
Shoirning «Oqshom qo‘shiqlari» deb nomlangan birinchi she’rlar to‘plami 1881 yilda nashr etilgan. «Hindistonning vijdoni» deb nom olgan R. Thokurning «Janganamana» qo‘shig‘i ozod Hindistonning davlat madhiyasi sifatida jaranglamoqda. «Gitanjali» nomli she’rlar to‘plamini 1912 yilda adibning o‘zi ingliz taliga tarjima qilgan. Buyuk mutafakkir og‘ir xastalikka chalinib, 1941 yil 7 avgustda vafot etgan.Robindranat Tagorni jahon adabiyotida salmoqli urni bor.Uning oddiy hayotiy asarlari hamon uquvchilar qalbini hayajonga solib kelmoqda.
"Shubha" Robindranat Thakur (Tagor) >>>