Bog' chamanni etgancha maftun,
Oshiq dilga sochib bir uchqun,
Bahor qaytib keldi men uchun,
Gulim! Bugun sen tug'ilgan kun!
Qish vujuding tanlab olgan on,
Bahoru yoz husn solgan on,
Kuz dunyoga nazar solgan on:
Qadrim! Bugun sen tug'ilgan kun!
Ishq qasrining tanxo ustuni,
Visol tongi, hijron yakuni,
Oshiqlarning sinov bir kuni,
Jonim, bugun sen tug'ilgan kun!
Husn ichra yetmas tarovat,
Sabr ichra yetmas halovat,
Oshiq ahli aytar salovat,
Suyukligim, sen tug'ilgan kun!
Nazm ko'nmas ta'rif etmoqqa,
Nasr boymas qalam tutmoqqa,
Fursat yetdi senga yetmoqqa,
Dostonimsan, sen tug'ilgan kun!
Bu kun yorug' bo'ldi osmonim,
Quvonchlarga to'ldi jaxonim,
Yo tangriga yetdi fig'onim,
Yetishganim, sen tug'ilgan kun!
Bo'salaring o'zgacha lazzat,
Qabulingda yangicha izzat,
Muhabbatdanbol olgan iffat,
Suyolganim, sen tug'ilgan kun!
Ehson qilay yuragimdan gul,
Jonim olgin bo'lsa gar maqbul,
Senga in'om etay, et qabul,
Muhabbatim! Sen tug'ilgan kun!
Alisher BEK.
17 oktyaber, 2006 yil.
|