Gul yasadi zargar oltindan,

Barglar yo'ndi zabarjadlardan,

Gulbargiga qo'ydi dur shabnam,

Isin terdi aqiq qandlardan.

Ko'z yoshimni artib qora bo'ldi bulutlar,

Hasratlarim changlariga aksa urarlar,

Yuragimning parchasidek do'lga aylanib,

Tuproqlarga qorishgancha yakson turarlar.

Allohni tanirsan Rahmon deb,

Ajratib yaxshi deb, yomon deb,

Yasharsan o'tkinchi zamon deb,

Bandasan, kimliging bildingmi?

 

Eshik qoqib keldi yangi yil,

Dasturxonga suzildi sharob,

Do'stlar, qadah so'zidan oldin

Eski yilni qiling sarhisob!

Zavodimiz ayollari to'planishib,

Bir yoqadan boh chiqarib, o'ylanishib,

"Shijoat" deb bir nimaga chog'lanishib,

Klub bo'pti! Hudo urdi erkaklarni!

Yurak yig'lab qoldi ortingdan,

Suyolmagan o'zi aybdor,

Qaytmas bo'lib ketdi orzuga,

Aytib ketdi tushlarga izhor.

Onam bo'lsa baxtim yo'lda qolarmidi?

Taqdir meni shu kuylarga solarmidi?

Mexr izlab topgan dardim olarmidi?

Yo Allohim sinovlari shu bo'ldimi?

Va'da bergaylar qo'yib rahmon o'rtada,

Iymonu insof bo'lib sarson o'rtada,

Jazo bilmas qozi lol hayron o'rtada,

Diyonatu adolat vayron o'rtada,

Ohiratni o'ylamas zamon o'rtada,

Nom nishonsiz ketdi, yo'q, pinhon o'rtada.

Ul adolat peshvosikim, na qoni na joni bor,

Qozilik qilg'ayki jonsiz, vo ajab, vijdoni bor.

Ikki yonda ikki kafti baxs boylashar basma-bas,

Qay biri qay holda bo'lsa ko'rsatar paykoni bor.

Qayki yerda o'z ishini qilsa qilg'aylar havas,

Xatto yulduzlar ichinda uning o'z makoni bor.

O'ylama, hech sir sinoat yo'q uning a'monida,

Bir hisob qilsang Alisher, anglamoq imkoni bor.

Yaqin o'tgan zamonda, allaqaysi tomonda,

Odam bilmas bu zamin yashar ekan sisadmin.
Eski kompi yonida o'ltirarkan erta kech,
Viruslar-u yuzerlar tich qo'ymaslar uni hech.
Xatto ba'zi vaqtlar ovqat yemas, ichmas choy,
Bosh qashlashga yo'q fursat tanlamaydi uyqu joy.