|
Onam bo'lsa baxtim yo'lda qolarmidi?
Taqdir meni shu kuylarga solarmidi?
Mexr izlab topgan dardim olarmidi?
Yo Allohim sinovlari shu bo'ldimi?
Orzularim ko'p ko'rdimi armonlarim?
Mexrimdan ham ko'p bo'ldimi yomonlarim?
Qadrimdan ham past bo'ldimi osmonlarim?
Yo Rabbimning ehsonlari shu bo'ldimi?
Muhabbatga tashna qalbim yolg'onmidi?
Bir taqdirni o'yin qilmoq osonmidi?
Taxtim uchun so'raganim bir jonmidi?
Yo Rahmonim irodasi shu bo'ldimi?
Bir savolga minglab javob bo'larmidi?
Sust iymonim hidoyatga to'larmidi?
Qadrin bilsam mening mexrim o'larmidi?
Ko'r qalbimning tanigani shu bo'ldimi?
Alisher BEK
Avgust, 2007 yil.
| 
