|
Ko'z yoshimni artib qora bo'ldi bulutlar,
Hasratlarim changlariga aksa urarlar,
Yuragimning parchasidek do'lga aylanib,
Tuproqlarga qorishgancha yakson turarlar.
Ovutadi orzularin aytib ma'yus oy,
Umid bor deb sho'x yulduzlar berarlar taskin,
Mehr bilan ilitgancha har bir parchani,
Alla yatib o'z bag'riga singdirar zamin.
Erkalaydi nuri bilan mo'ysafid quyosh,
Shudringlardan oq bulutlar yasar maftunkor.
Zamin uzra maysalarga aylanmoq uchun,
Tuproqlarda qolib ketar dildagi g'ubor.
Alisher BEK.
29 Iyun, 2007 yil.
| 
