Добавлено (28.04.2009, 11:09)
---------------------------------------------
Nafosat.
Sahifaga bu nomni topgunimcha yillar o’tdi.
Uni yaratguncha, mavzular topguncha, Matnlarni terguncha o’tgan yillar ortda qoldi.
Bir kun keldiki, Hayot oqimi, zamon shiddati barcha-barchasini yuvib ketdi.
Men izlagan Nafosat, Go’zallik, Madaniyat, Mehr-oqibat faqat mening hayollarimdagina hotira bo’lib qoldi. Men izlagan muhabbat sarobga aylandi, men kutgan baxt yolg’on bo’ldi, ishonganlarim hiyonat qildilar, do’st deb bilganlarim unutdilar, begonalar esa yaqin bo’ldilar.
Bir kun keldiki, Men ulashmoqchi, baham ko’rmoqchi bo’lgan nafosat, go’zallik, mehr va muhabbat, sadoqat va saodat o’zimdan boshqa hech kimga kerak emasligini bilib qoldim.
Bir kun keldiki, Hammasiga chek qo’ymoqchi, hammasidan voz kechmoqchi, hammasini unutmoqchi bo’’ldim. O’zligimni unutdim, to’griso’zligimni unutdim, iboni, hayoni, madaniyatni unutdim.
Muhammad Yusufning misralari yodimga tushadi:

Mehr berib, mehr ko’rmay
Insonlardan ko’nglim qoldi.
Har baloni ko’rib bo’ldim,
Ko’rmaganim o’lim qoldi.

Men esa mehrni insonlardan emas, hayolotdan izladim, har baloni ko’rib bo’lmadim, ko’nglim qolmadi. Faqat o’zgalarning ko’ngli qoldi. Mehrimni olmadilar, muhabbatimni rad etdilar, so’zlarini yol’gon dedilar, ishonchimni sohta dedilar. Lekin men ular orasida yashayverdim, yashayveraman. Chunki, qalbimda hali ham umid bor...

Faqat, Nafosat sahifasi uchun haqqim qolmadi. Uni o’z fikrlarim bilan bulg’ashga endi o’zim ham jur’at qilolmayman. So’nggi hotiram, so’nggi mehrim, so’nggi ovunchog’im, shaxsiy sahifamga ham haqqim qolmadi.

Aziz Nafosat ahli: Meni bu qarorimdan qaytarishga urinmanglar. Faqat, qayda bo’lsangiz ham nafosatingizni, go’zalligingizni, muhabbatingizni va sadoqatingizni saqlab qolinglar.
(Beso'roq qilingan shakkokligim uchun uzr so'rayman aka...)

Kumush, Bu satrlarni qayta o'qib yuraim yana bir bor qalqidi.....
Balki nomardlik qilgandirman, kuchsizlik qilgandirman, lekin bir narsani ishonch bilan ayta olaman: hali hanuz Nafosatga mening haqqim yo'q, uni qaytara olmadim. Bir kun kelib Alloh qalbimga go'zallik, nafosat, latofat, mehr bersa, balki Nafosatni qayta yaratarman....

Biroz nadomat va ehtirom ila Folbin qiz!

B.J xonimga….14 noyabr.

Salom azizam B… Men senga xat yozaman deb vada bergandim,mana so’zimning ustidan chiqyapman.Bu zerikarli kunlarda mashg’ul bo’lishim va chalg’ishim mumkin bo’lgan durustroq ishning o’zi ham shu.
Yodingdami eski o’rikning tagidagi arg’umchog’imiz.O’sha yerda arg’umchoq uchgancha turli rejalar tuzardik.Qanchalar ko’p orzularimiz bisyor ediya!
Esingda bo’lsa qarilik chog’imizni shunday tasavvur etardik.Ikkov kampir bog’da soya salqinda suhbat qurib xotiralarga berilib o’tiramiz sal narida nevaralarimiz o’ynab yurishadi.Men ko’pincha keksalikda beva qolgan bo’laman derdim.(nimagadir o’sha vaqtda qariganda beva qolaman degan fikr menga yoqardi da) Endi esa sen palaxmon toshiday begona yurtlarga otilib ketding,men bo’lsam haliyam qari qiz degan nomni ko’tarib o’sha o’rik tagida sudralib yuribman.Tog’ri hozir u o’rikdan kottakon to’nka qolgan holos…
To’sattan o’ttizga borib qolganimni o’ylasam yuragimni vahima bosadi.Xa mayli senga yozmoqchi bo’lganlarim umuman boshqa narsalar.Mening kelinoyim esingda bo’lsa kerag a?Esdan chiqarib bo’ladimi uni deyapsanmi?Xa tog’ri aytasan unga o’xshagan zaxar xotinni boshqa topib bo’lmasa kerak.Xozir ham imkoni bo’ldi deguncha bir amallab xayotimni zaxarlab kelyapti.Birovni yomonlagandan ko’ra o’zingni maqtagan afzal deyapsanmi?Ha bu sening eng sevimli shioringku?Hop unda o’zimdan gapirib beraman.Hayotimda ozgina bo’lsa ham yangiliklar bo’ldi.Qanday yangilik deysanmi? Shoshilma bir boshdan gapirib beraman.Esingda bo’lsa Bogimiz ortida 3 xonalik pastakkina xujralar bor edi.Ana o’shani biroz epaqaga keltirib ko’chib o’tdim.Yolg’iz bo’lsam ham ro’zg’orim bo’lak endi.Ota onam o’tib ketishgandan keyin akamga qiyin bo’lganini o’zing bilasan.Men tumormidimki bir umr bo’yniga osib yursa.Shuning uchun bu ishim juda yahshi bo’ldi deb o’ylayman.Qo’limdan kelgancha xonalarni bezadim.O’z o’zidan ma’lumki jihozlarning mazasi yo’q.Eshiklar yahshi berkilmaydi,deraza g’ijirlaydi.moliyaviy ahvolimni o’zing bilasanku?Lekin asta sekin ko’nikyapman.Bilasanmi kelinoyimni zug’umidan qutulganim bois uyimning xarobligi meni zarrachayam tashvishga solmayapti.Erkinlik buyuk baxt ekanligini endi his qilyapman.Xuddi Diogenga o’hshab uzlatga chekingan odamday zoxidona qanoatli xayot kechiryapman.Ishdan qaytgandan so’ng o’zimni o’zim mehmon qilaman.No’xat sho’rvani hush ko’rishimni bilasanku?Ovqatlanib bo’lib kitob o’qishga tutinaman.Televizor olishimga hali ancha bor.Shuning uchun adabiyot bilan qanoatlanyapman.O’zing bilganingdek haliyam uni she’rlarini mutoala qilyapman.Bilasanmi,undagi nima meni lol qoldiradi?Tabiatni tushunishi va tabiatga bo’lgan muhabbati, bu mehrini bizga samimiy ko’rsatib berishi!Uning hamma tasvirlari chinligiga ishonmay ilojing yo’q.Boshqa shoirlar bo’lsa avval qofiyani o’ylashadi keyin misrada joy qolsagina tabiy ohangga murojat qilishadi.Xa bu xaqda sen bilan ko’p bahslashganmiz…
Yahshimi yomonmi mana shunday hayot kechiryapman .Seni yonimda yo’qliging menga juda bilinyapti.Shunday bo’lsa ham taqdirdan nolimay, kimnidir kutib nimadandir umid qilib yashab yuribman…
Endi senga aytmoqchi bo’lgan asosiy gapga o’taman.Yahshilab quloq solib mulohaza qilib fikringni menga yozib yubor hopmi?
Shunday kunlarning birida hayotimda g’alati bir voqea sodir bo’ldi…
(Azizam maktubni shu joyida tuxtataman bu xatni xizmat vaqtida yozayotgan edim,kimdir meni so’rayotgan emish boraychi?Xamma yaqinlaringga salom deign.Jiyanlarimni o’pib qo’y)Imkonim bo’lishi bilan yana yozaman.
Cheksiz sog’inch bilan Atirguling…

Nomalum...

Azizam B…. oldingi maktubimni chala holda yuborganim uchun meni ma’zur tutasan.Gap shundaki Hozir ishlayotgan ish joyimda moliyaviy ahvol barqaror emas, bekor o’tirganingni ko’rib qolishsa boshliqlardan gap eshitasan.Ularga ham osonmas…
Shuning uchun maktublarim to’sattan uzilib qolsa meni so’kmagin va sabr bilan davomini kutgin
Kel xatimni davom ettiray…
Shunday qilib o’zim mustaqil xayot kechitayotganimdan xabaring bor.Oktyabrning zerikarli kunlarining birida bir g’alati yigit bilan tanishib qoldim.U bilan qanday tanishganimni bilmoqchimisan?
Esingdami ko’chamizni boshida muyulishda istirohat bog’I bor edi.U hozir ham bor faqat ariq bo’yidagi majnuntollar juda gurkirab o’sishgan.(u paytda kichkina edi).Gohida uyimga sig’may qolsam o’sha boqqa borib panaroqda kitob o’qib o’tiraman.Bir kuni soyada kitobdan boshimni ko’tarib, hayollarga cho’mib, o’tirsam bir yigit yonimga keldi.Tabiyki men unga qayrilib ham qaramadim.Biz insonlarda qarshilik ko’rsatgan kuchga yaqinlashish istagi, kuchli ekanligini bilasan.O’zimizga talpingan narsadan iloji boricha uzoqlashgimiz keladi.Xullas u meni suhbatga tortmoqchi bo’ldi.Uning so’lg’in ovozini eshitib beihtiyor qayrilib qaradim.Uning katta katta tim qora mayus ko’zlari,Qonsiz yuzi,hafsalasiz chehrasi qandaydir xayotning qiziqarli hodisalarining guvohi bo’lganini his qildim.Menda ham bu kishiga nisbatan qiziqish uyg’ondi..
U menga kitob o’qiydigan havo bo’lmayaptiku?Bu havoda faqat qo’shiq aytsa bo’ladi dedi.
Men hayron qolib unga qaradim.Suhbatimiz tahminan mana shunday boshlandi:
-Yuzingizga o’qigan kitoblaringizni nuqsi uribdi
-Bu nima deganiz
-.Biroz stenariydan chetga chiqib ketibsiz.
-Sizni ham qolipingiz o’zgacha shekilli
-Yo’q shunchaki men juda kechikib yoki barvaqtroq kelib qolibman
-Qaerga
-Oshxonagada
-……ni oshhona demoqchimisiz
-Nima farqi bor,oshxonadan
-Demak siz oshhona deb oy’laysiz,
-Xuddi shunday
-Qorningiz to’ydimi ishqilib?
-Ochman lekin xazm qilolmayapman
-NImani?
-Keling ,qo’ying shu gaplarni …..
Shu tariqa biroz suhbatlashib o’tirdik.Keyin dengiz haqida poeziya haqida gaplashdik…
Uning fikrlari zakovatli insonning Xayot haqidagi ajabtovur tesha tegmagan hulosalari edi.Meni yengiltaklikda ayblamagin lekin unda odamni o’ziga tortuvchi nimadir bor.Vaqt qanday o’tganini ham sezmapman..
Taajjubga tushgan bo’lsang kerag a?Shunday sovuq zaxar dugonamga nima bo’ldi deb.Xa azizam aynan u meni o’ziga ohangrabodek tortib qo’ydi..
Keyin meni uygacha kuzatib qo’ydi.Uyga taklif qilishga uyaldim o’zing bilasanku koshonamning ahvolini.U mendan gohi gohida uchrashib tursak bo’ladimi deb so’radi.Men ham darrov mayli roziman devoribman.Meni so’kmaginda oldin o’zing fikr qil.Qanchadan qancha romantik ajoyib kitoblarni yod olib,ishqiy sarguzashtlarni hayolan boshdan kechirsam,ilohiy lazzatli ishqni orzu qilsamu.,bir o’zim so’qqabosh,mehrga tashna,rutubatga to’la xayot kechirsam shuyam adolatdanmi?
Xullas men uchun yangi hayot boshlanayotgan edi…
(Yana hatimni uzishga to’g’ri kep qoldi,yaqin kunlarda habarlashamiz)

Seni o’pib Atirguling.