Faqat Muhammad Yusuf ijodiga mansub she'rlar.
| |
Durbek | Дата: Вторник, 27.05.2008, 00:09 | Сообщение # 1 |
Maslakdosh
Группа: Ishonchlilar
Сообщений: 150
Статус: Offline
| MUHAMMAD YUSUF (1954 - 2001) 1954 yil 26 aprelda Andijonning Marhamat tumanida tug'ildi. Toshkentdagi rus tili va adabiyoti institutini tamomladi (1978). Respublika kitobsevarlar jamiyatida (1978-1980), ' Toshkent oqshomi' gazetasida (1980-1986), Adabiyot va san'at nashriyotida, 'O'zbekiston ovozi' gazetasida (1986-1993) ishladi. Umrining oxirgi 4-5 yilida O'zbekiston Yozuvchilar uyushmasining kotibi bo'ldi. U 'Tanish teraklar' (1985), 'Bulbulga bir gapim bor' (1987), 'Iltijo' (1988), 'Uyqudagi qiz' (1989), 'Halima enam allalari' (1989), 'Ishq kemasi' (1990), 'Ko'nglimdagi yor' (1991), 'Bevafo ko'p ekan' (1991), 'Erka kiyik' (1992), 'Yolg'onchi yor' (1994), 'Osmonimga olib ketaman' (1998) to'plamlarining muallifi. 1998 yilda unga 'O'zbekiston xalq shoiri' unvoni berildi. U II chaqiriq O'zbekiston Respublikasi Oliy Majlisiga deputat qilib saylandi. 2001 yilda 'Saylanma' asarlari chop etildi. M. Yusuf 2001 yil 29 iyulda vafot etdi, tug'ilgan qishlog'idagi qabristonga dafn etildi. Добавлено (26.05.2008, 22:50) --------------------------------------------- AJAB DUNYO Ikki buyuk shoir, ikki musofir – Navoiy Hirotda, Qobulda Bobur. Sizni o’ylatmasmi bu jumboq, bu sir, Navoiy Hirotda, Qobulda Bobur… Buni tasodifmi atayin, ayting, Qitmir qismat o’yni deyinmi yo bir? Ko’rib qo’y, Turkiston, ikki shoh bayting – Navoiy Hirotda, Qobulda Bobur. Jafo etganga ham jabr etmadik, Gadoni siyladik goho, xudo bir. Daholarimiz qadriga yetmadik – Navoiy Hirotda, Qobulda Bobur. Yer yonar jahannam afg’onda yal-yal, Kulrang ko’rpa yanglig’ bulut yonodur. Yonar ne tiklagan bo’lsa bir mahal – Navoiy Hirotda, Qobulda Bobur. Ikki buyuk hikmat, ikki xush zabon, Ikki buyuk dildan yo’qdir sado bir. Biz g’animga bejang topshirgan qo’rg’on – Navoiy Hirotda, Qobulda Bobur. Uchrashishmagandi ular hayotda, Yoturlar yonma-yon ikki lahatda. Nima deysiz endi, hayot-hayot-da – Navoiy Hirotda, Qobulda Bobur.
Bu dunyoga keldingmi? Endi yasha! Tishni tishga qo‘yib-qo‘yib yasha. Mushtni tugib-tugib yasha. Chidab-chidab yasha. Yashashni chidaganga chiqargan!Bu dunyoga keldingmi?Endi chida! Dunyo—chidaganniki! Oxirigacha chida, Xudo bergan kungacha chida!
|
|
| |
Alisher | Дата: Вторник, 27.05.2008, 08:29 | Сообщение # 2 |
Admin
Группа: Administratorlar
Сообщений: 302
Статус: Offline
| Quyidagi she'rlarni Durbek forumga joylagan. Добавлено (26.05.2008, 23:00) --------------------------------------------- PALAXMON Osmon yerga engashib, Bulut sog'di kun bo'yi, Yolg'onchi yor to'yida Yomg'ir yog'di kun bo'yi. Yomg'ir emas, bu xalqob Kelinchak ko'z yoshidir. Yig'lama yor, qiz bola Palaxmonning toshidir. Qayg'urmagil qo'y, chorboq Aylanamiz yur do'stim, Peshonang shu ekan, bu - Taqdir, dedi bir do'stim... Taqdir emas, ayirgan, Yorning qalam qoshidir. Qolaversa, qiz bola Palaxmonning toshidir. Egilmagan yerlarga Egib yigit boshimni, Palaxmon-ey qaylarga Otding yoqut toshimni! Добавлено (26.05.2008, 23:02) --------------------------------------------- AYTINGLAR G'irot mingan Go'rog'li Bobom qani, aytinglar, Qo'ng'irotlik Alpomish Og'am qani, aytinglar... Tustovuqday tovlangan Olam qani, aytinglar. Ko'lda kiyik ovlangan Dalam qani, aytinglar. Kokillari yer o'pgan Sanam qani, aytinglar. Kuyib ketgan jonimga, Malham qani, aytinglar Dardim aytsam tushungan Odam qani, aytinglar?.. Ko'nglim gulday ezilib, Ko'zimga yosh to'lyapti Eh, quyoshga osilib, Botib ketgim kelyapti! Добавлено (26.05.2008, 23:05) --------------------------------------------- OQIBAT Mehr yuraklarda qotsa ichikib, Oqibat ham bo'lgay anqo urug'i. Elning kichigini g'ajir kichigi Ulug'ini esa ulug'i... Polvoni polvonni chalmoqqa mahtal, Dorbozi dorbozin ko'rolmay yashar. Hofizlar qo'shiq aytishdan avval, Bir-birlarin qarg'ab ovoz sozlashar. Ziyolilarga kerakmas maydon; Tinchitar bir-bitin sal g'oyibona, Olimi olimin olimlik bilan, Shoiri shoirin ham shoirona!.. Mehr yuraklarda qotsa ichikib, Oqibat ham bo'lg'ay anqo urug'i, Elning kichigini g'ajir kichigi, Ulug'ini esa chaynar ulug'i. Andisha degan bir bog' bo'lar vayron, Go'yo bu chamandan yalmog'iz o'tgan. Onalar qizlarin tanimay hayron, Qizlar onalarin ismin unutgan. Bir umr yelkada ko'tarib o'zi, O'zi bolasining rahmiga mushtoq. O'g'illar mushtidan ko'karib yuzi, Otalar yig'lagay sochlari oppoq... Bo'ldi. She'rim tamom. Axir siz chidab, Yuribsiz-ku, nima qipti men yursam. Tomog'imda jonim turibdi yig'lab, Jondan ayrilaman endi gapirsam!.. Добавлено (26.05.2008, 23:08) --------------------------------------------- ONAMDAN XAT O`g`lim, jigargo`sham, anytgin-chi, nahot, Achinmaydi joning onang holiga. Meni to`shaklarga mixlab qo`ydi bod, Kelsang bir ko`rsamu… o`lsam mayliga. Chakka o`tgan eski tomga o`xshayman, Ko`zimdan yomg`irlar to`kilar tinmay. Bu yorug` dunyoda bormi, bilmayman, O`z o`g`li yo`liga intizor menday… Hayhotdek hovlida qoldim bir o`zim, Nima xayollarga bormasman ba’zan. Sog`misan ishqilib, qo`rqaman, qo`zim, Podsholar haqida she’rlar yozasan. O`ynashib bo`larmi shohlar bilan, ayt, Qishloqi joningga she’rdan ne huzur? Zeriksang — bepoyon yaylovingga qayt, Siqilsang — dashtlarda ot choptirib yur! Faqat xayolingdan chiqargin she’rni, (Kimgadir yoqmasmish chinmi-yolg`omni), Axir, sen yozmasang o`sha Boburni, Shoirning urug`i qurib qolganmi?.. O`g`lim, jigargo`sham, aytgin-chi nahot, Achinmaydi joning onang holiga? Meni to`shaklarga mixlab qo`ydi bod, Kelib bir ko`tarib chiqqin hovliga. Qo`lingda jon berib o`lsam mayliga…
Chaqmagay ko'r qalbni so'z, garchi u chaqmoq emas, Chaqsa hamki, bo'lsa do'st, niyati chaqmoq emas.
|
|
| |
Lolacanieva | Дата: Понедельник, 09.06.2008, 15:14 | Сообщение # 3 |
O'quvchi
Группа: Foydalanuvchilar
Сообщений: 1
Статус: Offline
| Алишер !!! Спосибо я очень рада что есть такой сайт и я могу там бродить!!! Мне Очень нравиться ваш сайт долгих лет жизни и процветания вашему сайту!!!
|
|
| |
Farishta | Дата: Вторник, 10.06.2008, 07:19 | Сообщение # 4 |
O'quvchi
Группа: Foydalanuvchilar
Сообщений: 3
Статус: Offline
| Yurtim, ado bo`lmas armonlaring bor... Yurtim, ado boʻlmas armonlaring bor, Toshlarni yigʻlatgan dostonlaring bor, Oʻtmishingni oʻylab ogʻriydi jonim, Koʻksing toʻla shahid oʻgʻlonlaring bor. Bagʻrim oʻrtar bir oʻy bahor ayyomlar, Oy borgan yoqlarga termulib shomlar. Aybin bilmay ketgan Akmal Ikromlar, Fayzullodek mardi-maydonlaring bor… Yurtim, koʻnglingdek keng osmonlaring bor, Yulduzni yigʻlatgan dostonlaring bor. Osmonlaringdan ham diydoringga zor, Jayrondek termulgan Choʻlponlaring bor. Qoʻling qadogʻiga bosay yuzimni, Onamsan-ku, ogʻir olma soʻzimni, Qayinbarglar yopib qaro koʻzini Olislarda qolgan Usmonlaring bor. Alhazar, alhazar, ming bor alhazar, Ana, yurishibdi kiyganlari zar, Qodiriyni sotib shoir boʻlganlar - Mehrobingdan chiqqan chayonlaring bor… Qurboning boʻlayin, ey onajonim, Sening faryodlaring, mening figʻonim, Oʻtmishingni oʻylab oʻrtanar jonim, Aytsam ado boʻlmas dostonlaring bor. Muhabbat, sen chiroyli… Muhabbat, sen chiroyli, Muhabbat, sen goʻzalsan. Tagʻin bir zum turaylik, Gapirmayman, uyalsang… Soʻng ketarmiz. Sezdimki Men orzuga yetmadim. Seni shunday sevdimki Qoʻlingdan ham tutmadim. Qoʻling… sening qoʻllaring, Muloyimdir ehtimol. Ayri tushdi yoʻllarim, Sevar yorim, yaxshi qol. Muhabbat, unut meni, Va men ham… unutmayman. Tushlaringda kut meni, Tushlaringga kirgayman… Muhabbat, sen chiroyli, Muhabbat, sen goʻzalsan. Kel, koʻrishib turaylik, Salomlashmay, uyalsang.
|
|
| |
dildora | Дата: Среда, 18.06.2008, 10:36 | Сообщение # 5 |
O'quvchi
Группа: Foydalanuvchilar
Сообщений: 1
Статус: Offline
| салом! Алишер Иргашев сизнинг хатларингизни сахифаларингизни укидим манга жуда ёкди илтимос манга хам шахсий веп сайтларни очиш йулларини ургатсангиз олдиндан рахман
hayotda hamma narsa bo'lishi mumkin
|
|
| |
Durbek | Дата: Понедельник, 04.08.2008, 10:14 | Сообщение # 6 |
Maslakdosh
Группа: Ishonchlilar
Сообщений: 150
Статус: Offline
| VATANIM Men dunyoni nima qildim, O`zing yorug` jahonim, O`zim xoqon, O`zim sulton, Sen taxti Sulaymonim, Yolg`izim, Yagonam deymi, Topingan koshonam deymi, O`zing mening ulug`lardan Ulug`imsan, Vatanim… Shodon kunim gul otgan sen, Chechak otgan izimga, Nolon kunim yupatgan sen, Yuzing bosib yuzimga. Singlim deymi, Onam deymi, Hamdardu hamxonam deymi, Oftobdan ham o`zing mehri – Ilig`imsan, Vatanim. Sen Mashrabsan, Xalqda tumor, Balxda dorga osilgan, Navoiysan, shoh yonida Faqirini duo qilgan. Yassaviysan, meniki deb, Ko`ringan da’vo qilgan, Ming bir yog`i ochilmagan Qo`rig`imsan, Vatanim. Sen Ho`jandsan, Chingizlarga Darvozasin ochmagan, Temur Malik orqasidan Sirdaryoga sakragan, Muqannasan qorachig`i Olovlarga sachragan, Shiroqlarni ko`rgan cho`pon Cho`lig`imsan, Vatanim. Kim Qashqarni qildi makon, Kim Enasoy tomonda, Jaloliddin – Qurdistonda, Boburing – Hindistonda, Bu qanday yuz qarolig` deb Yotarlar zimistonda, Tarqab ketgan to`qson olti Urug`imsan, Vatanim… O`g`lim desang osmonlarga G`irot bo`lib uchgayman, Chambil yurtda Alpomishga Navkar bo`lib tushgayman, Padarkushdan pana qilib Ulug`beging quchgayman, G`ichir-g`ichir tishimdagi So`lig`imsan, Vatanim… O`tgan kuning – o`tgan kundir, O`z boshingga yetgan kun, Qodiriyni bergan zamin, Qodiriyni sotgan kun. Qo`lin bog`lab, Dilin dog`lab, Yetaklashib ketgan kun, Voh bolam! deb aytolmagan Dudug`imsan, Vatanim. Yoningda qon yig`lagan bir Shoiringga qarab qo`y, Gar Qo`qonga yo`ling tushsa, Detdomlarni so`rab qo`y. Hech bo`lmasa Usmon hokin Keltirmoqqa yarab qo`y, Olislarda qurib qolgan Qudug`imsan, Vatanim… Sen – shoxlari osmonlarga Tegib turgan chinorim, Ota desam, O`glim deb, Bosh egib turgan chinorim, Qo`ynimdagi iftixorim, Bo`ynimdagi tumorim, O`zing mening ulug`lardan Ulug`imsan, VATANIM !
Bu dunyoga keldingmi? Endi yasha! Tishni tishga qo‘yib-qo‘yib yasha. Mushtni tugib-tugib yasha. Chidab-chidab yasha. Yashashni chidaganga chiqargan!Bu dunyoga keldingmi?Endi chida! Dunyo—chidaganniki! Oxirigacha chida, Xudo bergan kungacha chida!
|
|
| |
Kumush | Дата: Пятница, 03.04.2009, 10:55 | Сообщение # 7 |
Maslakdosh
Группа: Moderatorlar
Сообщений: 244
Статус: Offline
| SIR Shamoldek beqaror shoir sevgisi, Uning bor davlati - savlati. Sog'inchdan yoqar-u rayhonlar isi, Meni tanlaganing g'alati... Na bir shirin kalom ming zahmatingga, Na bir salomingga alik oladi. Muhabbating nima Muhammadingga?.. Qalamni quchoqlab uxlab qoladi. Qasri shuhrat aro qon yig'lar yurak, Ko'ksingda nimadir g'ijjak chaladi. Unga she'r kerakdir, Senga er kerak. Koshki tushunsa u valadi... U so'z kutar, uni sen kutib oylab, Bir umr yo'l qarab ko'zing toladi. Sevgilim, farishtam... tentagim, yo rab, Baxtingni yarmini she'rim taladi!.. Gunohing ne edi, ey mungliq dilbar, Seni tanlaganim g'alati... Asl shoir asli uylanmay o'tar, Uylansa ham ko'rmay xotin oladi. Добавлено (03.04.2009, 09:55) --------------------------------------------- KUMUSH Marg`ilonda Kumushni ko`rdim, Ko`ziga yosh olib turibdi. Sochlarini maydalab o`rib, Otabekni kutib yuribdi. Tongda turib qalam qoshiga O`sma qo`ygan ekan quribdi, Ko`zdan oqqan achchiq yoshlari O`smasini yuvib turibdi... Meni bir o`y qiynaydi yomon, Yana yurak o`ynaydi yomon. Qo`yvor zamin, qo`yvor osmon, Men uyimga yetaman qachon? Meni bir o`y qiynaydi yomon, Yurak yana o`ynadi yomon. Toshkentga qiz berma Marg`ilon — Qodiriy yo`q, Zaynablar omon!
Keldim...Kurdim...Sevdim...
|
|
| |
Durbek | Дата: Среда, 22.04.2009, 08:48 | Сообщение # 8 |
Maslakdosh
Группа: Ishonchlilar
Сообщений: 150
Статус: Offline
| MENING DARDIM Tuzalmaydi dardim mening, O`lsam kerak. Tuproq bilan og`a-ini Bo`lsam kerak. O`lim nima? Bu ham bitta Sayr, Ona. O`g`ling qaro yerga ketdi, Xayr ona… Tuzalmas bu dardim mening, Umidim yo`q. Xira shamdek ko`zlarimda So`nmoqda cho`g`. Cho`g nimadir? Cho`g` ham tutab, Kul bo`ladi. Inson bir kun o`z mayliga Qul bo`ladi… Yuragimni tamom qildim, Yig`layverib. Huzurimda ajal turar, Qoshin kerib. Men hayotda o`limga tik Boqib o`sdim… Qani menga atalgan joy, Ketdik, do`stim!
Bu dunyoga keldingmi? Endi yasha! Tishni tishga qo‘yib-qo‘yib yasha. Mushtni tugib-tugib yasha. Chidab-chidab yasha. Yashashni chidaganga chiqargan!Bu dunyoga keldingmi?Endi chida! Dunyo—chidaganniki! Oxirigacha chida, Xudo bergan kungacha chida!
|
|
| |
Kumush | Дата: Среда, 13.05.2009, 15:40 | Сообщение # 9 |
Maslakdosh
Группа: Moderatorlar
Сообщений: 244
Статус: Offline
| ONAJON Topmoq - yo‘qotmoqdir, Yo‘qotmoq – topmoq, Sen so‘lib, Men yashab, To‘lishimga boq. Sensiz topganimdan Ko‘proq yo‘qotdim – Sen meni yupatding, Seni yig‘latdim, Sen meni yaratding, Seni tugatdim. Uyalmay ONA deb, Kelishimga boq!.. Sog‘inch haqda she’rlar Yozdim o‘zimcha, Mendan peshonangda Dog‘lar tizimcha. O‘g‘il bo‘lmay o‘lay, Attangb ming attang. Qiz tug‘sang netardi, Ko‘proq qiz tug‘sang!.. Tirgak bo‘lolmadim Bitta qizingga Uyalmay shoirman Deyishimga boq. Joningdan aylanay, Turgil jonajon, Yo‘l qarab bo‘ldimi Jigarginang qon? Boqma, ko‘zlarimga Bemajol, xasta, Mening topganlarim Gulmi bir dasta, Yo‘qotganim senmi Endi ONAJON?.. O‘z etimni o‘zim Yeyishimga boq. Bilsang yuragimni Bir alam elar. Buyursang qo‘limdan Kelmaydi nelar, Ayt, Pichan yig‘aymi, O‘tin yoraymi, Yerni haydayinmi, Ko‘k ag‘daraymi?.. Itdek oyog‘ingga Suykalgim kelar – Uchib-uchib, mana Qo‘nishimga boq. Hech narsa kerakmas, Bolam, hech deysan. Endi kech deysan-da, Endi kech deysan. Yuzimni bosaman Muzday yuzingga, ONAJON, Zor qilib ketma izingga! O‘lim oldida ham G‘amimni yeysan, Men-chi, jim, taqdirga Ko‘nishimga boq. She’rim bitdi, Xayir, Do‘stlar xush qoling. Bedil yashamakka O‘rganmang menday Boring, Volidangiz Ko‘nglini oling, Ertaga Kech qolib O‘rtanmang menday.
Keldim...Kurdim...Sevdim...
|
|
| |
|