Xayollarim shamoliga yelkan qo'ydim,
Sen tomonga eltarmi deb to'lqinlarim.
Tumanlarda yo'qoldimmi yo'ldan ozib,
Dilim mayoq, ishqim o'ti yolqinlarim.
Ko'z yoshlarim oqimiga elak tutdim,
Balki biror yosh g'uborim yuvdimikin?
Seni yo'qlab bo'zlab yurgan bu yuragim
O'z bag'ridan anduhini quvdimikin?!
Tun quynida ko'zlarimga yetak tutdim,
Tushlarimda seni ko'rmoq og'ushida,
Yorib ko'ksim ko'rmoq bo'ldim jamolingni,
Oyning xira, ma'yus kulgan yog'dusida.
Muhabbatim yo'llariga tuzoq quydim,
Zo'rlab tutqin qilmoq bo'lib yuragimga.
Faqat sayyod senu, sayyid bo'ldim o'zim
Etolmadim sevilmoqlik tilagimga.
Alisher BEK
26 Mart, 2004 yil.
| 
