|
Ishonmading sevaman desam,
Ishonmading yonsa yuragim,
Yolg'on bo'ldi sen uchun qasam
Ro'yo bo'lib qoldi tilagim.
Sarob deding orzularimni.
Qum bag'riga singdi suv misol.
Inkor etding qayg'ularimni,
Nadomatga aylandi visol.
Rad aylading yurak to'rini,
Yurak bo'lib parcha muz qoldi.
Sovuq deding qalbim qo'rini,
Qalb o'rnini jaxannam oldi.
To'sma, - deding, - xayot yo'limni.
Ostonangni tark etdim albat.
Faqat sensiz yo'qlab o'limni,
Ortingdan zor qoldi muhabbat!
Alisher BEK
6-Sentabr, 2003 yil.
| 
