Quyosh botar yana qalbimda,
Ufqda sokin mavj urar qonim.
Sen ketgan dil qirg'oqlarida
Izlaringni o'par armonim.
Eh, vafosiz ekansan yorim,
Nechun ishqsiz qalbimni deding?
Boqiy zulmat chulg'agan tunim
Nechun tongga alishgan eding?
Endi tunim yulduzli emas,
Hilola ham tashlab ketadi.
Endi tongni tan olmas dilim,
Sarob deya inkor etadi.
Faqat sendan so'nggi iltimos:
Yolg'on diling qilmagin izhor,
Tong bo'lmagin yana bir qalbda
So'ng botmoqni qilsang ixtiyor.
Alisher BEK
20 dekabr, 2005 yil.
| 
