|
Gunohini orqalagancha
Ketib borar yolg'iz yo'lovchi.
Qaramaydi na yon na ortga,
Na aytuvchi, na yo'l so'rovchi.
Ketib borar jim-jit, egik bosh,
Yuzida bor na bir alomat,
Ketib borar sukunat kabi,
Unga kelgan ne bir malomat?
Ketib borar qaddi bo'lib dol
Gunohlrning zildk toshidan.
Kurgan hayron: Bunchalar osiy?
Nima kunlar o'tgan boshidan?
Ketib borar ko'zlari ma'nisiz,
Qadam sharpa bermas toshda ham.
Misli qadam tashlagan soya,
Tana unga ergashgan qalam.
Ketib borar yol'giz yo'lovchi,
Unga farqsiz, ma'nisiz bari.
Umidini yo'qotib qoyib,
Ketib borar arosat sari...
Alisher BEK.
5 May, 2009 yil.
| 
