Yonsa ham ishqida yuragim
Kelib bir holimni ko'rmasa,
Dardimni bir bora so'rmasa?
Bormikin aslida keragim,
Yonsa ham ishqida yuragim?

Ortidan zor qolar tilagim.
Quloq ham solmaydi arzimga,
Nahotki jon so'rar qarzimga?
Istasam sochini silagim
Ortidan zor qolar tilagim.

Bilmasmi qanchalar kuyganim?
Yo bilib bilmasga oldimi,
Qalbiga shubxa in soldimi?
Ko'rdiku?! Yo'lida turganim?
Bilmasmi qanchalar kuyganim?

Ko'nglimni tushunmas suyganim:
- Menda ham muhabbat bor,-dedi,
Lek qalbim xokimi or edi...
Taqdirmi peshonam urganim?
Ko'nglimni tushunmas suyganim.

Alisher BEK
Iyul, 2004 yil.