Hayot go'zal, ko'rolsang uni
Yo'qdir undan go'zalroq malak.
Kamlik qilar orzu va tilak
Yana mehr, qalb ko'zi kerak.
Hayot sevar, sevolsang uni
Dilda makon topsa bir tuyg'u
O'zga bo'lar quvonchu qayg'u
Kerak emas yashamoq mangu.
Hayot armon, bo'lsang gar zaif,
Ko'zlaringdan oqsa garchi yosh
Xijron senga bo'lsa ham yo'ldosh
Sen o'kinma, u doim bardosh.
Hayot ma'no - uqolsang uni,
Keng ummondir, bag'riga to'lsang,
Hazon misol benishon so'lsang,
Qadrlidir, gar birga bo'lsang.
Hayot sensan berolsang uni,
Yo'qsa sarob ko'ringan bilan,
Hayot boqiy faqat sen bilan,
Hayot bizmiz, senu men bilan.
Alisher BEK
20 dekabr, 2005 yil.
| 
