Bugun bayram. Ayollarning chexrasida tabassum,
Biri tannoz, biri shodon, biri hush, biri ma'sum.
Lov-lov yonib turganiga keldi mening havasim,
Ey go'zallar, aziz qizlar, sizga bayram muborak!

Qaro qoshni qaldirg'ochning qanotidan olganmi?
Uzun sochin er boshiga sirtmoq qilib solganmi?
Yoki sochin sotib pulga kalta ko'ylak olganmi?
Kalta atlas ko'ylak kiygan qizlar bayram muborak!

Tillarining shakari bor, totmoq oson emasdir,
Ayol chaqqan erkaklar qaytib asal yemasdir.
Shirin nozla qarashiga yonlaridan kemasdir,
Tili shirin, so'zi asal qizlar bayram muborak!

Noz qilsalar yarashadur, ko'ngil osmon bo'ladi,
Araz qilsa yurak qasri vayron-vayron bo'ladi,
Sevmaganni sevdiradi, sevgan sarson bo'ladi,
Muhabbatli farishtamsiz, qizlar bayram muborak!

Sizga bo'lsin hush tilaklar, harki omad sizgadir,
Sizga bo'lsin zebu-ziynat, sarvi qomat sizgadir.
Sizga bo'lsin hayo-ibo, qadru-qimmat sizgadir,
Sizda qolsin bitta mehrim, qizlar bayram muborak!