Osmon yerga engashib,
Bulut sog'di kun bo'yi,
Yolg'onchi yor to'yida
Yomg'ir yog'di kun bo'yi.
Yomg'ir emas, bu xalqob
Kelinchak ko'z yoshidir.
Yig'lama yor, qiz bola
Palaxmonning toshidir.
Qayg'urmagil qo'y, chorboq
Aylanamiz yur do'stim,
Peshonang shu ekan, bu -
Taqdir, dedi bir do'stim...
Taqdir emas, ayirgan,
Yorning qalam qoshidir.
Qolaversa, qiz bola
Palaxmonning toshidir.
Egilmagan yerlarga
Egib yigit boshimni,
Palaxmon-ey qaylarga
Otding yoqut toshimni!
Muhammad Yusuf.
| 
