Bugun mavzuni davom ettirmimizmi?Mashhura bu borada sizni fikrlaringizni eshitishni juda istardim.:)
______________________ Kumush, biz biror muammo chiqarsak, onam "otangga aytaman" deb qo`rqitadi. Hozir ham. Bizni otam qattiq urishmaydi, buni bilamiz, ammo biz shu gapdan cho`chiymiz. Sababi otam bir og`iz gap bilan "urishadi" - "sendan xafa bo`ldim" yoki "sendan kutmovdim" deb. Biz uchun esa undan ko`ra urgani yaxshi.
Shu o`rinda bir gazetada berilgan savollarga javoblarim:
1. Ayolning jamiyatdagi vazifasi nimadan iborat deb o’ylaysiz?
2. Xotin-qizlarga bugungi munosabatdan ko’nglingiz to’ladimi?
3. Oilada kimning so’zi o’tkir bo’lishi kerak erningmi yo xotinning?
4. Uy bekasi va ishlaydigan ayollar qay birida afzalliklar ko’proq?
1. Jamiyat bir butunlikdir. Ayol agar jamiyatda biror vazifani uddalayotgan ekan, bundan xursand bo’lish kerak. Bu uning ikkinchi vazifasi. Birinchi vazifasi esa kelajakning yetuk egalarini tarbiyalash, juftini ulug’ maqsadlar sari yo’llashdan iborat. Chunki aksariyat buyuk insonlarning, daholarning tarjimai holiga nazar solinsa, ularning onalari yo xotinlari o’ta bilimdon, zukko, o’z davrining nodir ayollaridan bo’lgan. Mashhur adabiyotshunos V.G.Belinskiy ta’biricha, «Ayolning vazifasi – erkakning qalb shuurini, undagi oliyjanob ehtiroslarni alangalatish, burch tuyg’usi va yuksaklik hamda buyuklikka bo’lgan intilishini qo’llab-quvvatlashdan iboratdir – ayolning qismati shu va bu qismat buyuk va muqaddasdir».
2. Bugun ayollar erkaklar qatori har qanday jabhada faoliyat ko’rsatmoqda. Ular uchun davlat tomonidan ham, erkaklar tomonidan ham barcha sharoitlar yaratib berilmoqda. Demak, bugungi jamiyatda xotin-qizlar «do’ppisini osmonga otsa» arziydi.
3. Oilada erkak kishi birinchi o’rinda turishi kerak. Agar biror oilada ayolning so’zi ustun ekan, bunga oila boshlig’ining o’zi aybdor. Erkak kishining so’zi o’tkir bo’lmagan taqdirdagina ayolning so’zi o’tkirlashadi. Hyech bir aqlli ayol esa turmush o’rtog’idan ustun bo’lishni, o’z yo’rig’iga solib olishni istamaydi. Ayollarni erkaklar kaftlarida ko’tarsinlaru, boshlariga chiqarib qo’ymasin.
4. Inson qancha band bo’lsa, shuncha ko’p ishga qodir bo’ladi. Qancha bekor vaqti ko’p bo’lsa, shuncha dangasa bo’ladi. Ayol kishi hayot kitobini uqib olgan bo’lsa, ishlasa ham uyga ham, ro’zg’orga ham, bolalariga ham vaqt ajratishi mumkin. Ayniqsa, oila byudjetiga foydasi tegsa, zamon bilan hamnafas bo’lsa, buning afzalliklari ko’proq bo’lsa kerak.[b][i]