Men tanigan insonlar menga bitmas tuganmas baxt, salomatlik, sof muhabbat tilashardi.
Rustamu-dostondek, Alpomishdek dovyurak va kuchli, gullardek nozik qalb, tog'lardek barhayotlik, koinotdek cheksiz ozodlik tilashardi. Lekin men kimman? Bu savolga har kuni yangi javob topaman. Har kuni yangi yechim topaman bu jumboqqa. Agarki men o'zim shu qadar beqaror, o'zim uchun noma'lum ekanman,muhabbatim ham o'zimdan ortiq bo'lmasligi aniq edi.
Ishq-Muhabbatdan qandaydir afsonaviy tushuncha yaratish shart emas, uni qanday bo'lsa, shundayligicha qabul qila olish ham afsona ekanini tan olgim kelmasdi....

Gulg'unchaga o'hshatmang sevgim,
Men gullarga qilmayman havas.
Tog'lar kabi mustahkam demang,
Chunki ular abadiy emas.

Cheksiz demang koinot kabi
Mening yuragimga to'ladi.
Muhabbatim men bilan kelgan,
Vujudimda birga o'ladi...

Mening borligim men bilgan narsalardan har qancha ustunligiga ishonardim, shuning uchun ham muhabbatimni o'zgalarga emas, o'zim ... Davomini o'qish »

Bahor edi, turar edim anhor bo'yida...
Yana kelding uchrashgani ikkimiz tanho.
Lekin endi muhabbatga aldangan yurak
So'zlaringga qilmas edi zarracha parvo.

Yo'q, u meni aldamagan edi. Faqat unga ishongan edi, undan baxt kutgan edi. U esa nomardlik qildi, aldadi, ishonchni poymol qildi.

Biz esa hamon do'st edik... Talabalikning so'nggi kunlari... Yana satrlarda qoldi hayollar:

Do'st dedimu sevgim menga begona bo'ldi,
Nish urdiyu, muxabbatim ochilmay so'ldi,
Visol emas, uqubatga paymonam to'ldi.
Meni emas, o'z-o'zingni aldading go'zal.

Sevdim deya uzgan guling tikon emasmi?
Xar yigit xam go'zallarga sevdim demas-mi?
Sevmaganga suykalmoqlik menga xavasmi?
Do'stim deya o'z do'stingni aldading go'zal.

Bilmasmiding, ortingdan tosh otguvchilar bor.
Muxabbatin o'zga yorga sotguvchilar bor,
Yana sendek alam qilib qolguvchilar bor,
Bilib turib o'z ko'zingni aldading go'zal.

Yuragimga dog' soladi alamim, oxim.
Naxot ... Davomini o'qish »

Institutda o'qib yurgan kezlarim bir qizning muhabbatini, hurmatini qozonish uchun turli yudirmalar o'ylab topganim esimda. Lekin hali qalbimda sof bir muhabbat uyg'onmaganini bilardim. Lekin qizga nisbatan hurmatim baland edi. Uni aldashni istamasdim. Umuman hech bir qizni aldanishini istamasdim. Uni rad etib bo'lmas dalillar ila o'zimniki qilib olishimga imkon bor edi. Hayollar o'gushida o'y surar ekanman, agar o'zimni qo'lga olmasam bir umr o'zimni kechira olmasligimni tushunib qoldim. Hayolimda u meni sevadi, lekin aslida kimligimni qachongacha yashiraman, qachongacha niqob taqib yashayman? Bu savollar ta'sirida she'r yozilgandi....

So'zlarimga ishonma go'zal,
Ko'zlarimda yolg'onchi nigoh.
Ko'kragimga qo'yma boshingni
Sirlarimdan etmaydi ogoh...

Lablarimdan tishlama go'zal
Bo'salarim o'tkinchi shamol.
Chaqmoq kabi bag'rimdagi o't,
Visol menga shirin bir hayol...

Muz tanimni quchmagin go'zal,
Eritmoqqa jaxannam kerak!
So'zlaringni tinglam ... Davomini o'qish »