Bog'da gullar ochilgan zamon
Gulga dardin aytadi rayhon.
Tinglab uni bo'ldim men hayron:
Rayhon dardin tingla Qizlarjon!
Bir bahordan o'tibdi yoshim,
Yoz o'tmasdan tugar bardoshim,
Kuzga borib so'nar quyoshim
Seni sevib qoldim Qizlarjon!
Rayhon mening dilim dog'ladi,
O'z dardiga meni bog'ladi,
Gul ishqimni senga chog'ladi,
Seni sevib qoldim Qizlarjon!
O'n sakkizdan o'tibdi yoshim
O'n to'qqizda tugar bardoshim
Yigirmada so'nar quyoshim
Seni sevmay o'tsam Qizlarjon!
Bog'da gullar ochilgan chog'da,
Bulbul kuylar dardim gulbog'da,
Gulmi, Rayxon, guvoh bu bog'da:
Seni sevib koldim Qizlarjon!
Alisher BEK
7 Iyun, 2004 yil.
| 
